كل ما تحتاجة للكومبيوتر برامج كتب منوعات حمل ما تشاءمن البرامج حمل ادوبي فوتوشوب وينرارالخ ..
 
الرئيسيةالبوابةمكتبة الصورس .و .جالأعضاءالمجموعاتالتسجيلدخول

شاطر | 
 

 احمي ايميلك الياهوو من الخمط بالصفحة المزورة »»

اذهب الى الأسفل 
كاتب الموضوعرسالة
admin
Admin
Admin


عدد المساهمات : 269
تاريخ التسجيل : 04/08/2008

مُساهمةموضوع: احمي ايميلك الياهوو من الخمط بالصفحة المزورة »»   الخميس أكتوبر 16, 2008 7:02 am



شنونكم عنوني شنون اخباركم
اليوم جبتلكم شغلة بسيطة علمود تحمون ايميل الياهوو من الخمط بالصفحة المزورة او البيها فشنگ و هم فيكة من تريد تفتح الايميل شي مرتب و مميز ايصير بالصفحة مالتك
ما اطولها عليكم راح اجبحكم بالشرح و بالصور وداعتي مخامطة للموضوع
طبعا الكل من يفتحون صفحة الدخول للايميل راح يشوفون شي لاطخته شركة الياهوو بالموقع (Are you protected ) مثل ما تشوفون بالرقم واحد اي شبكم بالصورة الجوة المهم دوسوا عليه علمود احولكم للصورة الثانية اطفر ورة هاي الصورة






من راح اتدوسون وين اني گلتلكم فوگ راح تطلع هاي الصفحة اليجوه و بيها هالچم شغلة راح اكلكم لو بهارات كل وحدة شنو تسوون بيها
رقم اثنين 2 : اذا تريدونتخلون بالصفحة كتابه او شي مميز كل واحد يستخدم الحاسبة يعرفة
رقم كلاثة 3 : هاي اذا تريدون تحطون صورة الكل هم يعرفوها بس لا واحد يحط صورته لأن تحترگ مايكرو سوفت
رقم اربعه 4 : يمكن ما يعجبكم اللون المشمشي الي تتشوفوه و يمكن تريدون تغيروه على فسنجوني اي لون يعجبكم غير منا تكدرون تغيروه ...هذا يغير الاطار او لون الكتابه اذا استعملتوا رقم اثنين ...زين لو موزين لهنا

هسه راح نشوف بالصفحة الجاية من ادوسون على رقم اثنين راح تطلعلكم هاي الصفحة جوة باوعوا عليها اي عفيه ......هنا تكتبون فد كلمة او شي مثلا همه مقترحي تكتب عنوانك انته اكتب عنوان جيرانكم يعني شوية تغيير او اكتبلك فد چلمتين بيها فايدة و كل اهلك يعرفوها اخاف واحد يجي غشيم و يتقشمر بصفحة مزورة تلطش باسووردة حتى لو مو كاتبه وياه شفت لو دايس ابن جيرانهم هم شفت من يمه هم ينلطش بيها


هسه اشرحلكم على البقية و بالاخير راح اتدوسون على برفيوا (preview ) بس خلي اكمللكم رقم كلاثة 3 من اتغبروه على رقم كلاثة شوفوا شنو راح يطلع اي شبيكم جوه على الصورة الجوانيه ....اي زين نزلتوا هنا روحوا جيبوا صورة حلوة من البراوز و مثل ما كلتلكم بالبداية لا تحطون صورتكم الشخصية ادري شنو هوية عدكم لو دفتر خدمة عسكرية ...كذب بكيفكم شتريدون تحطون حطوا


هسه احجيكلم شلون تغيرون اللون مال الكتابة او اطار الصورة و مابيه شي شعندي دا احجي الصورة واضحة



هسه راح اكمللكم الي اني مسويه و شلون راح تكمل رقم ثمانية عدكم بالصورة يعني جبت الصورة بالبراوز .... اخاف واحد مبتديء حشاكم و مديعرف بالحجي القديم خلي يباوع ع الصورة و يشوف
و رقم تسعة اتدوسون على برفيو (preview ) اذا اختاريتوا النص الكتابي او الصورة



اتدوسون هنا على رقم عشرة علمود تطلع الصورة هيج بالصفحة و بعدين اتدوسون على (save this seal) تتشوفوها جوه الصورة الي مأشر عليها السهم


هسه شبيكم فزيتوا ما بيها شي هاي الصورة يعني ديكوللكم عيني هذا الي سويته الكل من اهلك راح يشوفوه من يريدون يدخلون على الايميل مال الياهوو بهذا الجهاز و الكل يستعملوه ..........انته كله اي شبيك يمعود فضني



هسه كلليييييييييييييييييييييييييش جبناها و اجت ويانه جبناها واجت ويانه

طط راح طراح طراح شوفوا شلون من راح تدخلون للايميل من صفحة الياهوو الصورة راح تصير موجوده هنا ....نزلوا شوفوها و اخاف واحد يلعب عليكم هاي موقع هذا لنك مال منتدى جديد تدخله من صفحة الياهووو كله خلي يولن حبيبي لأن اذا الصفحة مهكرة مراح يطلع عندك الي انته مسويه من كتابه او صورة
مو تكولون ما كلت



عدل سابقا من قبل admin في السبت نوفمبر 22, 2008 2:16 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatmhzahra.ahlamontada.net
admin
Admin
Admin


عدد المساهمات : 269
تاريخ التسجيل : 04/08/2008

مُساهمةموضوع: احمي ايميل الياهوو من الخمط بالصفحة المزورة »»   الخميس أكتوبر 16, 2008 7:06 am

يابه شنو ينرادلكم تبخيرة لأن خلصتوا قراية الموضوع cheers lol! Razz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatmhzahra.ahlamontada.net
 
احمي ايميلك الياهوو من الخمط بالصفحة المزورة »»
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فاطمة الزهراء :: منتدى الانترنت والاتصالات-
انتقل الى: